काठमाडौं । अख्तियार दुरुपयोग अनुसन्धान आयोगले ललितपुर महानगरपालिकाको शिक्षा महाशाखामा कार्यरत शिक्षा अधिकृत शेषकान्त पौडेललाई १ लाख घुससहित पक्राउ गरेको छ ।

पौडेललाई सेवाग्राहीबाट १ लाख रुपैयाँ घुस लिइसकेको अवस्थामा आयोगको कार्यालय टंगालबाट खटिएको टोलीले बिहीबार कार्यकक्षबाटै नियन्त्रणमा लिएको हो ।

शिक्षक सरुवा गर्न सहजिकरण गर्न घुस लिएको आरोपमा रकमसहित उनी पक्राउ परेको अख्तियारले जनाएको छ।

घुसबापतको रकम लिइसकेको अवस्थामा नियन्त्रणमा लिइएका उनलाई थप अनुसन्धान भइराखेको अख्तियारका सहायक प्रवक्ता देविप्रसाद थपलियाले बताए।