काठमाडौं । जुवा खेलेको आरोपमा प्रहरीले ललितपुरबाट १२ जनालाई पक्राउ गरेको छ।

ललितपुर महानगरपालिका-१४ थसिखेलस्थित इश्वरी खड्काको घरमा जुवा-तास खेलेको आरोपमा १२ जनालाई जिल्ला प्रहरी परिसर ललितपुरले पक्राउ गरेको हो ।

जुवा-तास खेलिरहेको भन्ने सूचना पाएपछि प्रहरीको टोली खटिएको थियो। उक्त टोलीले उनीहरूलाई नगदसहित पक्राउ गरेको हो।

उनीहरूबाट एक लाख ६० हजार १५ रुपैयाँ बरामद भएको छ। उनीहरूलाई जुवा खेलाएको प्रहरीले जनाएको छ। उनीहरूमाथि थप अनुसन्धान अघि बढाएको छ।