काठमाडौं । सेयर बजार परिसूचक नेप्सेमा सामान्य गिरावट भएको छ । सोमबार बजार परिसूचक नेप्से ३.६५ अंकले गिरावट भएर २०२३.५४ अंकमा बन्द भएको छ ।

सोमबारको बजारमा एक अर्ब ८९ करोड रुपैयाँ बराबरको सेयर कारोबार भएको छ । आज हिमालयन डिष्टिलरीको सर्वाधिक कारोबार भएको छ ।

कारोबारमा आएका २५९ वटा स्क्रीप्समध्ये हिमालयन डिष्टिलरीको सबैभन्दा बढी रकमको सेयर कारोबार भएको हो ।

आज लघुवित्त, फाइनान्स र उत्पादन समूहको सेयर उच्च अङ्कले घटेको छ । होटल र पर्यटन, व्यापार र अन्य समूहको सेयर भने दोहोरो अङ्कले बढेकाे छ ।