काठमाडौं । सभामुख देवराज घिमिरेले संघीय संसद्को अभिलेख व्यवस्थित बनाउन निर्देशन दिएका छन् ।

मंगलबार संघीय संसद्को पुस्तकालय निरीक्षण गर्दै उनले यस्तो निर्देशन दिएका हुन् ।

सभामुख घिमिरेले संविधान निर्माणका क्रममा भएका गतिविधि र दस्तावेजलाई डिजिटल प्रविधियुक्त बनाइ अध्ययन अनुसन्धानमा सहजता अपनाइदिन पुस्तकालय शाखालाई निर्देशन दिए ।

सभामुख घिमिरेसँगै संघीय संसद् सचिवालयका महासचिव भरतराज गौतम, सचिवालय सचिवहरू सुदर्शन खड्का, डा. रोजनाथ पाण्डे लगायत पुस्तकालयको निरीक्षणमा सहभागी थिए ।