काठमाडौं । काठमाडौंको धर्मस्थलीमा बाल्टिनमा डुबेर एक बालिकाको मृत्यु भएको छ ।

सोमबार काठमाडौं महानगरपालिका धर्मस्थली चिसापानीकी १७ महिने बालिकाको बाल्टिनमा डुबेर मृत्यु भएको हो ।

जिल्ला प्रहरी परिसर काठमाडौंका अनुसार लाक्पा तामाङकी १७ महिने छोरीको मृत्यु भएको छ ।

घरको कम्पाउन्डमा खेल्ने क्रममा अचानक बाल्टिनको पानीमा डुबेकी थिइन् । उनको शव पोष्टमर्टमको लागि टिचिङ अस्पताल पुर्‍याइएको प्रहरीले जनाएको छ ।