पर्सा। पर्सामा स्रोत नखुलेको २० लाख रूपैयाँसहित एकजना पक्राउ परेका छन् ।

पक्राउ पर्नेमा बारा बिश्रामपुर गाउँपालिका–४ बस्ने २७ वर्षीय श्यामकिशोर प्रसाद साह छन् ।

वीरगन्ज महानगरपालिका–१६ रजतजयन्ती चोकबाट स्रोत नखुलेको सो रकमसहित उनी पक्राउ परेका हुन् ।

प्रहरी चौकी इनर्वाबाट खटिएको प्रहरीले प्रदेश २–०३–०११ प ६३४३ नम्बरको मोटरसाइकल जाँच गर्ने क्रममा चालक साहको साथबाट उक्त नगद फेला पारी पक्राउ गरेको हो ।