काठमाडौं । सोमबार सेयर बजारमा उच्च गिरावट आएको छ । कारोबार खुलेदेखि नै अन्तिम समयसम्म परिसूचक नेप्से ओरालो लाग्यो ।

अन्ततः अघिल्लो दिनको तुलनामा ४१ अंकले घटेर नेप्से २१२७ अंकमा कायम भएको छ ।

बजार घटे पनि कारोवार रकम भने हिजो आइतवारको तुलनामा केही बढेको छ । आज दुई सय ५६ वटा कम्पनीका ८८ लाख ३६ हजार कित्ता शेयर तीन अर्ब ३० करोड २२ लाख रुपैयाँमा कारोबार भएका छन् ।

सबैभन्दा धेरै सूर्यज्योति लाइफ इन्स्योरेन्स कम्पनीको १७ करोड ६५ लाख रुपैयाँको शेयर किनबेच भयो ।

आज सेयर बजारको पुँजीकरणको सर्वाधिक हिस्सा ओगटेको बैंक तथा वित्तीय संस्था र बीमा कम्पनी त्यस्तै हाइड्रोपावर लगायत सम्पूर्ण उपसमुह घटेका छन्।