ताप्लेजुङ । ताप्लेजुङमा भीरमा लागेको आगोले जलेर एक किशोरको मृत्यु भएको छ ।

जिल्लाको मिक्वाखोला गाउँपालिका–४ साँवाको दलैँचा भीरमा लागेको आगो निभाउने क्रममा फुङ्लिङ नगरपालिका–२ तीनबरेका १५ वर्षीय सुनील थुलुङ राईको जलेर मृत्यु भएको हो ।

बिहीबारदेखि लागेको आगो निभाउनलाई स्थानीयसँगै गएका किशोर राईको जलेर मृत्यु भएको जिल्ला प्रहरी कार्यालय ताप्लेजुङले जनाएको छ ।

उनी आफ्नो मावली घर साँवामा आएका थिए ।