काठमाडौं । पोखरामा आइतबार भएको यती एयरको विमान दुर्घटनामा पत्रकार त्रिभुवन पौडेलको निधन भएको छ ।

काठमाडौंबाट पोखराको लागि उडेको नाइनएन एएनसी एटीआर–७२ विमान दुर्घटना हुँदा पत्रकार पौडेलको निधन भएको हो ।

नेपाल पत्रकार महासंघका केन्द्रीय सदस्य ३७ वर्षीय पौडेलको निधनप्रति महासंघले शोक व्यक्त गरेको छ ।

महासचिव रोशन सुरीद्वारा जारी विज्ञप्तिमा पौडेलको निधन भएको दुःखद् खबरले महासंघ स्तब्ध र शोकमग्न भएको उल्लेख छ ।