काठमाडौं । गण्डकीमा प्रदेश सभा सदस्य राजीव गुरुङ (दीपक मनाङे) ले मुख्यमन्त्री खगराज अधिकारीलाई विश्वासको मत नदिने भएका छन् ।

नेकपा एमालेका नेता खगराज अधिकारीले प्रदेश प्रमुखसमक्ष मुख्यमन्त्रीको दावी पेश गर्दा समर्थन दिएका उनले बिहीबार आफू प्रतिपक्षमा बस्ने बताएका हुन् ।।

उनले सत्तापक्षलाई बहुमते पुगेकाले आफूले मत दिइरहन आवश्यक नहरेको बताएका छन् । साथै उनले आफू प्रतिपक्षमा बसेर रचनात्मक गर्नेसमेत बताएका छन् ।

‘सरकार बनाउन आवश्यक बहुमत पुगेकाले सरकारमा जानु भन्दा प्रतिपक्षमा बसेर रचनात्मक काम गर्नु उचित ठानेको छु,’ बिहीबार फेसबुकमा मनाङेले भनेका छन् । मुख्यमन्त्री अधिकारीले शुक्रबार (भोलि) विश्वासको मत लिँदै छन् ।