काठमाडाैं । मधेस प्रदेशका २ जना प्रदेश सांसदलाई शपथमा सर्वोच्च अदालतले रोक लगाएको छ ।

संसद् सचिवालयका अनुसार महोत्तरी रजी हैदर र सप्तरीका मालाकुमारी कर्णलाई सर्वोच्चले सांसदको काम कारबाहीमा रोक लगाएको हाे ।

माओवादीले पठाएको बन्दसूचीअनुसार निर्वाचन आयोगले निर्वाचित नगरेको भन्दै सर्वोच्चमा मुद्दा दायर भएको र सर्वोच्चले तत्काल रजी र मालाकुमारीलाई शपथ नगराउन पत्र पठाएको सचिवालयले जनाएको छ ।

मधेश प्रदेशमा माओवादी केन्द्रबाट दुई जनासहित धनुषाबाट सुनिता यादव र शारदा दास (पहाडी) निर्वाचित भएका थिए । कर्ण सप्तरी र हैदर महोत्तरीबाट निर्वाचित थिए ।