काठमाडौं । नेकपा माओवादी केन्द्रका केन्द्रीय सदस्य तथा वाइसिएल इन्चार्ज रामप्रसाद सापकोटा दिपशिखाले नवनियुक्त प्रधानमन्त्री पुष्पकमल दाहाल ‘प्रचण्ड’लाई कमिशनखोरहरूलाई भान्छा नपुग्न दिन सुझाव दिएका छन् ।

नेकपा एमालेसहित सात दलको समर्थनमा प्रधानमन्त्री बनेका प्रचण्डलाई सामाजिक सञ्जालमार्फत उनले यस्तो सुझाव दिएका हुन् ।

उनले उनले लेखेका छन्,’केहि पागलहरू छन्, तपाईको सफलताबाहेक दुनियामा केहि नठान्ने ! तीनलाई साथ लिएर काम गर्नुस् । कमिशनखोरहरू भान्छा नपुगुन् । कमिशन र नाफाखोरहरूजस्तो पागलहरू फुलका गुच्छा बोकेर खुमलटाररसिहंदरबार आउन्नन् ! तपाईलाई चिन्न सजीलो छ ।’

नेकपा एमाले, राष्ट्रिय स्वतन्त्र पार्टी, राप्रपा, जसपा, जनमत पार्टी, नागरिक उन्मुक्ति पार्टी र तीन जना स्वतन्त्र सांसदको समर्थनमा माओवादी अध्यक्ष दाहाल तेस्रोपटक प्रधानमन्त्री नियुक्त भएका हुन् ।