भरतपुर । चितवनमा हात्तिको आक्रमणमा परेर घाइते भएकी महिलाको उपचारको क्रममा निधन भएको छ ।

भरतपुर महानगरपालिका-२८ अन्द्राउली भन्ने स्थानमा शनिबार बेलुका ८:३० बजेको समयमा घरको आँगनमा आगो तापीरहेका भागीरथी सुवेदीलाई एक्कासी हात्तीले आक्रमण गरेको थियो ।

अन्दाजी ७० वर्षीया सुवेदीलाई उपचारको लागि भरतपुर अस्पतालमा लगिएकोमा बेलुका १२ बजे चिकित्सकले मृत घोषित गरेका थिए ।

चितवन राष्ट्रिय निकुञ्जबाट आएको जंगली हात्तीले सुवेदीलाई आक्रमण गरेको जिल्ला प्रहरी कार्यालय चितवनले जनाएको छ ।