काठमाडौं । साताको चौथो दिन शेयर बजारमा झिनो अंकको गिरावट आएको छ ।

प्रि–ओपनिङ सेसनमा सामान्य अंकले बढेको नेप्से मार्केट क्लोज हुँदा सम्म २.६२ अंकले घटेर १८९७ को विन्दुमा कायम भएको छ ।

बजार घट्दा उप-सूचकतर्फ फाइनान्स ०.१२, होटेल तथा पर्यटन ०.७२, जलविद्युत ०.२८, लगानी ०.०८ तथा ०.२५ प्रतिशतले बढ्दा बाँकी समूहको सेयर मूल्य घटेको छ ।

आज नेप्सेमा सूचीकृत २४६ कम्पनीको २० लाख ८७ हजार ८७६ कित्ता शेयर किनबेच हुँदा ७२ करोड ७८ लाख रुपैयाँमाथिको कारोबार भएको छ ।

घट्दो बजारमा बुधबार कारोबार भएका ८१ कम्पनीको सेयर मूल्य बढेको छ भने १०८ कम्पनीको सेयर मूल्य घटेको छ । बुधबार नेपाल टेलिकम, कृषि विकास बैंक, नबिल बैंकसहितका कम्पनीको सेयर धेरै कारोबार भएको छ ।