काठमाडौं । कतारमा जारी विश्वकप फुटबलमा दक्षिण कोरियाले सनसनीपूर्ण जित निकालेको छ । दोस्रो हाफको अतिरिक्त समयमा दोस्रो गोल गर्दै दक्षिण कोरियाले पोर्चुगलविरुद्ध अग्रता बनाएको हो ।

दक्षिण कोरियाविरुद्ध खेलको ५ औं मिनेटमा रिकार्डो होर्ताले गोल गर्दै पोर्चुगललाई अग्रता दिलाएका थिए ।

खेलको २६ औं मिनेटमा डिफेन्डर किम योङ ग्वान र ९० मिनेटपछि थप गरिएको समयमा सनको पासमा ह्वाङ हि चानले गोल गरे ।

तर दक्षिण कोरियासँग समूह ‘एच’को अन्तिम खेलमा २-१ गोलको नतिजामा पराजित भए पनि पोर्चुगल समूह विजेता बनेको छ । दक्षिण कोरिया पनि उपविजेताको हैसियतमा नकआउट चरणमा पुगेको छ।