काठमाडौं । सोलुखुम्बुमा नेकपा एमालेका मानवीर राई निर्वाचित भएका छन्।उनले नेपाली कांग्रेसका बलबहादुर केसीलाई हराएका हुन्।

उनले सत्ता गठबन्धनका तर्फबाट नेपाली कांग्रेसका बलबहादुर केसीलाई २ हजार ७७९ मतान्तरले पराजित गरे ।

राईले १९ हजार ३२४ मत ल्याउँदा केसीले १६ हजार ५४५ मत पाए ।

तीन पटक मन्त्री भइसकेका केसीले गठबन्धनको बलमा चुनाव जित्ने धेरैको अनुमानविपरीत एमाले केन्द्रीय सदस्य राईले बाजी मारेका छन् ।