Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
शनिवार, जेठ २३ गते २०८३
Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
काठमाडौं । जुम्ला प्रदेशसभा-(ख) बाट नेकपा एमालेका उम्मेदवार टेकराज पछाई निर्वाचित भएका छन् ।
प्रदेश सरकारका भौतिक पूर्वाधार तथा सहरी विकासमन्त्री एवं नेकपा एकीकृत समाजवादीका पदम रोकायालाई एक हजार ९३ मतान्तरले पराजित गर्दै पछाई निर्वाचित भएका हुन ।
पछाईले सात हजार ८१५ मतले विजय हुँदा निकटतम प्रतिस्पर्धी रोकायले ६ हजार ७२२ मत प्राप्त गरे । यस क्षेत्रमा २० हजार ६१६ मत खसेको थियो ।
पछाई एमालेका प्रदेश कमिटी उपसचिव हुन् । रोकाय सत्ता गठबन्धनका साझा उम्मेदवार हुन् । एमाले विभाजनपछि उनले एकीकृत समाजवादी रोजेका थिए ।
जुम्लाको यो क्षेत्रसँगै कर्णाली प्रदेशसभातर्फ चार क्षेत्रको मतपरिणाम सार्वजनिक भएको छ ।
यसअघि जाजरकोटका दुई र दैलेखको एक क्षेत्रको मतपरिणाम सार्वजनिक भइसकेको छ । ती क्षेत्रमा कांग्रेसले विजयी हासिल गरेको छ ।
© 2026 All right reserved to onlinenepal.com
Design & Developed By
