सुर्खेत । सुर्खेतमा सासूको हत्या गरेको आरोपमा ज्वाइँ पक्राउ परेका छन् । पक्राउ पर्नेमा लेकवेशी नगरपालिका(९ चौरासेका ३३ वर्षीय शालिकराम बास्तोलालाई रहेका छन् ।

उनले तिल्केपानी मा बस्दै आएकी अन्दाजी ७३ वर्षीया डिल्लीसरा जैसी (भण्डारी) को हत्या गरेको आरोप छ । सोमबार साँझ बास्तोला र जैसीबीच वादविवाद भएको अनुसन्धानका क्रममा खुलेको प्रहरीले जनाएको छ ।

कर्णाली प्रदेश प्रहरी कार्यालय सुर्खेतका अनुसार डिल्लिसरा बस्दै आएको घरदेखि करिब एक हजार पाँच सय मिटरको दुरीस्थित कच्ची घरमा विवाद हुँदा वास्तोलाले धकेलेपछि ढुंगामा टाउको ठोक्किँदा डिल्लीसराको मृत्यु भएको हो ।

जैसी र बास्तोला नाताले सासू ज्वाइँ भएको प्रहरीले जनाएको छ ।