चितवन । प्रमुख प्रतिपक्ष दल नेकपा (एमाले) का अध्यक्ष केपी शर्मा ओलीले पाँच दलीय गठबन्धन मुलुकका लागि हितकारी नभएको टिप्पणी गरेका छन् ।

नेकपा एमाले चितवनले आयोजना गरेको चुनावी सभालाई सम्बाधेन गर्दै अध्यक्ष ओलीले यस्तो बताएका हुन् । उनले विकास र समृद्धिको लागि एमाले सरकार अनिवार्य भएको बताए । गठबन्धनको सरकारका कारण देश घाटामा गएको उनले बताए।

विकास निमार्णका काम ठप्प रहेको बताउँदै उनले गठबन्धनले जिते मुलुक संकटमा फस्ने बताए।

‘एमाले सरकार एमालेको लागि चाहिएको होइन। एमाले त प्रतिपक्षमा बसेपनि केही फरक पर्दैन होला,’उनले भने, ‘एमाले त पाँच वर्ष प्रतिपक्षमा बस्छ। तर यो गठबन्धनले फेरि जित्ने हो भने देश बर्वाद पार्छ। एमालेले जित्नैपर्छ। सरकारमा जानैपर्छ।’

देशलाई एक लयमा लोकतन्त्र र विकासको मार्गमा अगाडि बढाउन एमाले सरकारको आवश्यकता रहेको उनको भनाई छ ।