काठमाडौं । नेकपा एकीकृत समाजवादी पार्टीका अध्यक्ष माधवकुमार नेपालले एमाले अध्यक्ष केपी शर्मा ओलीलाई टक्कर दिएपछि अहिले बर्बराएर हिडेको बताएका छन् ।

आज बिहान पार्टी प्रवेश कार्यक्रमलाई सम्बोधन गर्दै उनले सो कुरा बताएका हुन् । उनले केपी ओलीलाई कसैले ढाल्न सक्दैन भन्नेहरुलाई केपी ओलीलाई ढालेर देखाएको टिप्पणी गरे । त्यसपछि उनी अहिले बौलाएर हिडेको उनको भनाई छ ।

उनले भने,‘केपी ओलीलाई लागेको थियो कसैले टक्कर नै दिन सकिन्दै भनेर । टक्कर दिएपछि अहिले केपी ओली बौलाएको होकी के के बोल्छन् बोल्छन् । बर्बराएरको होकी उटपटयाङ कुरा गर्छन । त्यो सबै संग्रह निकाल्न पर्यो केके बोल्यो सुरु देखि अहिलेसम्म केके गाली गलौजको भाषाहरु बोलेको छ ।’

ओलीका कुराहरु भनेको आक्रोश, बदलाको भवना, अरुलाई अपमान गर्ने प्रवृती मात्रै रहेको उनले बताए । अहिलेको केपी ओलीको गठबन्धन प्रतिगामी, पश्चगामी र आफूहरुको अग्रगामी भएको उनको दाबी छ ।