Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
काठमाडौं । प्रमुख निर्वाचन आयुक्त दिनेशकुमार थपलियाले स्वच्छ, स्वतन्त्र, निष्पक्ष र भयरहित वातावरणमा चुनाव सम्पन्न गर्न आयोग तयार रहेको बताएका छन् ।
बुधवार आयोगको कार्यालयमा युवासँग निर्वाचन आयोगको संवाद कार्यक्रमलाई सम्बोधन गर्दै प्रमुख आयुक्त थपलियाले सो कुरा बताएका हुन् । उनले चुनावलाई शान्त वातावरणमा सम्पन्न गर्न युवाको साथ आवश्यक रहेको बताए । आयोग चुनाव स्वतन्त्र, निष्पक्ष तरिकाबाट सम्पन्न गर्न निर्वाचनरूपी 'मिशिन गन' बोकेर मैदानमा खटेको उनले बताए ।
आयोगको आग्रहलाई अवहेलना गरी निर्वाचन गतिविधि नबिथोल्न उनले आग्रह गरे । नेत्रविक्रम चन्द नेतृत्वको नेकपालगायतका दलहरूप्रति इङ्गित गर्दै उनले चुनाव बिथोल्नका लागि कुनाबाट अनावश्यकरूपमा गुलेली नचलाउन चेतावनी दिए ।
‘स्वच्छ, स्वतन्त्र, निष्पक्ष र भयरहित वातावरणमा चुनाव सम्पन्न गर्नका निम्ति हामी एक किसिमले मिशिन गन बोकेर फिल्डमा उत्रिएका छौँ । कहीँ कतै कुनाबाट गुलेली ताक्नेहरू पनि हुनसक्छन्, त्यसलाई हेर्दिने काम युवाको हो । तपाईँहरूले पत्ता लगाइदिनुपर्यो । अनावश्यकरूपमा गुलेली चलाएर मट्याङ्ग्राको सत्यनाश नगरिदिनुस् भनेर तपाईँहरूले भनिदिनुपर्यो,' उनले भने ।
© 2026 All right reserved to onlinenepal.com
Design & Developed By
