धनुषा । धनुषाका प्रहरी नायब निरीक्षक देवकी लाल चौधरी घुससहित रंगेहात पक्राउ परेका छन् ।

अख्तियार दुरुपयोग अनुसन्धान आयोगको टोलीले उनलाई ५ हजार रुपैयाँ घुस लिँदै गरेको अवस्थामा पक्राउ गरेको हो ।

धनुषाको जटहीस्थित सीमा प्रहरी चौकीमा कार्यरत चौधरीले एक जना सेवाग्राहीबाट ५ हजार रुपैयाँ घुस लिएको भेटिएपछि पक्राउ गरिएको अख्तियारले जनाएको छ ।

अहिले अख्तियारको टोलीले विस्तृत अनुसन्धान गरिरहेको बताइएको छ ।