काठमाडौं । नेकपा एमालेले आफ्नो चुनावी घोषणापत्रमा झण्डासहितको पानीजहाज चलाउने घोषणा पुनः दोहोर्‍याएको छ ।

अघिल्लो निर्वाचनमा समेत एमालेले यो योजनालाई प्राथमिकता दिएको थियो ।

आज (मंगलबार) सार्वजनिक पार्टीको चुनावी घोषणापत्रको ६१ पृष्ठमा सो कुरा उल्लेख गरिएको छ ।

घोषणापत्रमा भनिएको छ,‘छिमेकी मित्रराष्ट्रको सामुन्द्रिक बन्दरगाह प्रयोग गरी नेपाली झण्डासहितको पानीजहाज सञ्चालनमा ल्याइनेछ ।

नेपालका प्रमुख नदी हुँदै गंगाबाट कलकत्ता बन्दरगाह र समुन्द्रसम्मको जल यातायात सञ्चालन गरिनेछ ।’

एमालेले विद्युतीय सवारीसाधनको प्रयोगलाई प्रवद्र्धन गर्ने जनाएको छ ।