खोटाङ । खोटाङमा आफ्नै काकाको हत्या गरेको आरोपमा एक जना पक्राउ परेका छन् ।

५९ वर्षीय मान बहादुर राईलाई धारिलो हतियार खुकुरी प्रहार गरी हत्या गरेको आरोपमा दिक्तेल रुपाकोट मझुवागढी नगरपालिका-१३ हाबुभञ्ज्याङ बस्ने ४२ वर्षीय पत्थरमान राईलाई प्रहरीले पक्राउ गरेको हो ।

आपसी वादविवादको क्रममा मादक पदार्थ सेवन गरेका पत्थरमानले खुकुरी प्रहार गर्दा मान बहादुरको घटनास्थलमै मृत्यु भएको भन्ने

खबर प्राप्त हुनासाथ प्रहरी चौकी नुनथलाबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।