काठमाडौं । काठमाडौंको नागर्जुनमा जुवा खालबाट १८ जना नगदसहित पक्राउ परेका छन् ।

नागर्जुन नगरपालिका-७ स्वीजरल्याण्डपार्कनजिकै उदयराज पुरीको दहचोक सिटी भ्यू रिसोर्टमा जुवा खेल्दै गरेका १८ पुरुषलाई पक्राउ गरिएको हो ।

उनीहरूको साथबाट ३ लाख ८२ हजार ५ सय ९५ रूपैयाँ नगद, १५ बुक तास र कौडा बरामद गरिएको प्रहरीले जनाएको छ ।

पक्राउ परेकालाई प्रहरी वृत्त स्वयम्भूमा हिरासतमा राखी अनुसन्धान सुरू गरिएको छ ।