काठमाडौँ । आगामी मङ्सिर ४ गते हुने प्रतिनिधिसभा र प्रदेशसभा निर्वाचनका लागि समानुपातिक तर्फका २९ जना उम्मेदवारले बन्द सूचीबाट नाम फिर्ता लिएका छन्।

निर्वाचन आयोगका सहायक प्रवक्ता गुरुप्रसाद वाग्लेका अनुसार विभिन्न ७ दलका २९ जनाले उम्मेदवारी फिर्ता लिएको बताए। जसमध्ये प्रतिनिधिसभा तर्फ ९ जना र प्रदेश तर्फका २० जना रहेका छन्।

अब आयोगले उम्मेदवारी फिर्ता लिएका उमेद्वारहरुबारे सम्बन्धित दललाई पत्राचार गरिने जनाएको छ। नेकपा माओवादी केन्द्रले पार्टीका उपाध्यक्ष कृष्णबहादुर महराको नाम समानुपातिकको बन्द सूचीबाट हटाएको छ।

आयोगले समानुपातिक प्रणालीतर्फ आयोगमा पेस गरिएको उम्मेदवारको संशोधित बन्द सूचीमा सूचीकृत कुनै उम्मेदवारले आफ्नो नाम फिर्ता लिन चाहेमा आज मध्यान्ह १२ बजेसम्मका लागि समय दिइएको थियो।