हेटौँडा । नेकपा एमाले मकवानपुरले बिहिबार हेटौँडामा आयोजना गरेको शुभकामना आदानप्रदान तथा चियापान कार्यक्रममा राप्रपा नेपालका अध्यक्ष कमल थापा उपस्थित भएका छन् ।

अध्यक्ष थापा भाई गणेश थापा सहितका कार्यकर्ताहरु लिएर एमाले पार्टी कार्यालय पुष्पलाल पार्क पुगेका हुन् ।

एमालेको सहयोगमा मकवानपुर क्षेत्र नम्बर–१ बाट चुनाव उठ्ने तयारी गरिरहेको थापाको उपस्थितिलाई राजनीतिक रूपमा महत्त्वका साथ हेरिएको छ ।

पहिलो पटक हेटौंडा–५, सानोपोखरास्थित एमाले पार्टी कार्यालय पुगेका थापाले वाग्मती प्रदेशका पूर्वमुख्यमन्त्री डोरमणि पौडेल, एमाले जिल्ला अध्यक्ष एकालाल श्रेष्ठलगायतसँग केही समय गफगाफ गरेका थिए ।