काठमाडौं । नेपाली बजारमा आज सुनचाँदीको मूल्य बढेको छ।

नेपाल सुनचाँदी व्यवसायी महासंघका अनुसार शुक्रबार प्रतितोला ९१ हजार ५ सय रुपियाँमा कारोबार भएको छापावाल सुनको मूल्य आइतबार तोलामा ३ सय रुपियाँले बढेर ९१ हजार ८ सय रुपियाँमा कारोबार भइरहेको छ ।

यस्तै तेजावी सुन प्रतितोला ९१ हजार ३ सय रुपियाँमा कारोबार भइरहेको छ।

त्यसैगरी आज चाँदीको मूल्य पनि बढेको छ । आइतबार चाँदी तोलामा १५ रुपियाँले बढेर प्रतितोला ११ सय ८५ रुपियाँमा कारोबार भइरहेको महासंघले जनाएको छ ।