हेटौँडा । मकवानपुरबाट प्रहरीले ७४ किलो ७० ग्राम गाँजासहित दुईजनालाई पक्राउ गरेको छ।

पक्राउ पर्नेमा नुवाकोटको विदुर नगरपालिका-१३ का ३१ वर्षीय प्रकाश तामाङ र पर्साको ठोरी गाउँपालिका-३ बर्मानगरका ३४ वर्षीया चन्द्रकुमारी श्रेष्ठ छन्।

चितवनबाट हेटौँडातर्फ आउँदै गरेको बागमती प्रदेश०१-०२५च १९४२ नं.को तरकारी बोक्ने गाडीलाई जाँच गर्दा उक्त परिमाणको गाँजा बरामद गरिएको हो।

प्रहरीले उनीहरूको साथबाट ३१ हजार रुपैयाँ पनि बरामद गरेको छ।