लमजुङ । भरुवा बन्दुकसहित प्रहरीले एकजनालाई पक्राउ गरेको छ ।

पक्राउ पर्नेमा क्व्होँलासोथर गाउँपालिका-८ घाम्राङ घर भइ हाल वडा नम्बर-९ साल्मेका २७ वर्षीय यमबहादुर राना मगर रहेका छन् ।

अवैध भरुवा बन्दुक लुकाई छिपाई राखेको तथा स्थानीय मानिसलाई धाक धम्की दिने गरेको भन्ने विषेश सूचनाको आधारमा प्रहरी टोलीले मंगलबार १ थान लोड गरेको र १ थान अनलोड गरेको अवस्थामा २ थान भरुवा बन्दुकसहित प्रहरीले नियन्त्रणमा लिएको हो।

पक्राउ परेका राना मगरलाई जिल्ला अदालत लमजुङबाट हातहतियार तथा खरखजनासम्बन्धी कसुरमा बुधबार ७ दिनको म्याद थप अनुमति लिइ थप अनुसन्धान कार्य भइरहेको प्रहरीले जनाएको छ ।