काठमाडौं । काठमाडौंमा थप दुई जनामा हैजा पुष्टि भएको छ ।

स्वास्थ्य तथा जनसङ्ख्या मन्त्रालयका अनुसार भदौ १२ गते टेकुस्थित राष्ट्रिय जनस्वास्थ्य प्रयोगशालामा परीक्षण गर्दा थप दुई जनामा हैजा पुष्टि भएको हो ।

मन्त्रालयको तथ्याङ्क अनुसार भदौ महिला सुरु भएदेखि हालसम्म १९ जना हैजाका बिरामी थपिएका छन् । काठमाडौं उपत्यकामा असार २ गते पहिलो पटक हैजा पुष्टि भएको थियो ।

सो अवधिदेखि हालसम्म ७३ जनामा हैजा पुष्टि भइसकेको छ । जसमध्ये ३४ जना महिला र ३९ जना पुरुष छन् ।