महोत्तरी । बर्दिवासबाट अवैध लागुऔषध गाँजासहित एकजनालाई प्रहरीले पक्राउ गरेको छ ।

पक्राउ पर्नेमा सर्लाहीको गोडैता नगरपालिका वडा नं ११ माधोपुर बस्ने २६ वर्षीय पिताम्बर साह रहेका छन् ।

जिल्ला ट्राफिक प्रहरी कार्यालयबाट खटिएको टोलीले सवारी साधनहरुलाई रोकी चेकजाँच गर्ने क्रममा साह अवैध लागुऔषध गाँजासहित पक्राउ परेका हुन् ।

पश्चिमबाट पूर्वतर्फ जाँदै गरेको ग. १ ख ९०३० नम्बरको महाकाली डिलक्स बस रोकी चेकजाँच गर्ने क्रममा बसमा लुकाई छिपाई राखिएको कालो रङको झोलामा प्लाष्टिकभित्र ३ किलो ९६ ग्राम अवैध लागुऔषध गाँजा बरामद भएको इलाका प्रहरी कार्यालय बर्दिवासले जनाएको छ ।