काठमाडौं । प्रतिनिधिसभाको बैठकअघि प्रधानन्यायाधीश चोलेन्द्रशम्शेर जबरामाथि छानविनका लागि बनेको महाभियोग सिफारिस समितिको बैठक बसेको छ ।

बुधबार संसद भवन नयाँ बानेश्वरमा सभामुख अग्नि सापकोटाको पहलमा उपसभामुख पुष्पा भुसालसहित समितिका सदस्यहरुको बैठक बसेको हो ।

समिति कसरी अगाडि बढ्ने विषयमा छलफल भएको र आजको बैठकबाट समितिको सभापति तोक्ने एजेण्डा नरहेको सिफारिस समितिले जनाएको छ ।

गत साउन २२ गते बसेको प्रतिनिधिसभाको बैठकले महाभियोग प्रस्ताव अनुमोदन गरेर छानविनका लागि सिफारिस समितिमा पठाएको थियो ।

प्रधानन्यायाधीश चोलेन्द्रशम्शेर विरुद्ध गत फागुन १ गते महाभियोग प्रस्ताव दर्ता गरिएको थियो ।