कैलाली । धनगढीमा घरको बरण्डामा राखिएको मोटरसाइकलमा आगजनी भएको छ ।

उपमहानगरपालिकाको वडा नम्बर ६ जालीका जगत चौधरीको से ४ प ६८९४ नम्बरको होण्डा साईन मोटरसाइकलमा अपरिचित व्यक्तिले आगजनी गरेका हुन् ।

सबै जना सुतिसकेको अवस्थामा मोटरसाइकलमा अज्ञात व्यक्तिले आगजनी गरेको प्रहरीले जनाएको छ । जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) वेदप्रकाश जोशीले मोटरसाइकल आगजनी गरेको अवस्था भेटिएको बताए ।

घटनाबारे अनुसन्धान भइरहेको उनको भनाई छ ।