काठमाडौं । संस्कृति, पर्यटन तथा नागरिक उड्डयन मन्त्रालयका उप-सचिव प्रमोद नेपाल ६ लाख रुपैयाँ घुससहित पक्राउ परेका छन् ।

अख्तियार दुरुपयोग अनुसन्धान आयोगको टोलीले उप-सचिव नेपाललाई काठमाडौं उपमहानगरपालिका वडा नम्बर १ मनकामना मार्गस्थित होटेल आरन्याको कम्पाउन्डबाट नियन्त्रणमा लिएको हो ।

आयोगका प्रवक्ता श्यामप्रसाद भण्डारीका अनुसार उपसचिव नेपालले पर्यटन व्यवसाय दर्ता गरिदिने भन्दै सेवाग्राहीबाट ६ लाख रुपैयाँ लिएका थिए । उनका अनुसार निवेदकले प्याराग्लाईडिङ्ग सञ्चालन गर्न अनुातिपत्र लिनको लागि आवश्यक प्रक्रिया अगाडि बढाएका थिए ।

सो पत्र उपलब्ध गराउनका लागि उपसचिव नेपालले दुःख हैरानी दिएका थिए भने ६ लाख घुस माग गरेका थिए । सेवाग्राहीबाट प्राप्त सूचनाका आधारमा अख्तियार दुरुपयोग अनुसन्धान आयोगको टंगालबाट खटिएको टोलीले नेपाललाई रंगेहात पक्राउ गरेको हो । घटनाबारे थप अनुसन्धान भइरहेको प्रवक्ता भण्डारीले जानकारी दिए ।