कामाडौं । प्रमुख पार्टीका शीर्ष नेताहरुले पूर्वअर्थमन्त्री जनार्दन शर्मामाथिको छानबिन प्रतिवेदन सहमतिमै तयार गर्न संसदीय विशेष समितिका सदस्यहरुलाई सुझाव दिएका छन ।

बजेटमा करको दर हेरफेर गर्न अनधिकृत व्यक्तिलाई अर्थ मन्त्रालय प्रवेश गराएको भनी प्रश्न उठेपछि २२ असारमा प्रतिनिधिसभाले छानबिनका लागि ११ सदस्यीय विशेष समिति गठन गरेको थियो । सुरुमा १० दिनको समय पाएको समितिको थपिएको ७ दिनको समय पनि बिहीबार सकिँदैछ ।

समय सकिनुअघि समिति सदस्यहरुले आ-आफ्ना पार्टीका शीर्ष नेताहरुसँग सुझाव लिएका थिए । नेपाली कांग्रेसका सांसदहरुले पार्टी सभापति एवं प्रधानमन्त्री शेरबहादुर देउवा र अन्य केही नेताहरुसँग सुझाव लिए ।