काठमाडौं । प्रधानमन्त्री शेरबहादुर देउवासँग चुनाव लड्ने घोषणा गरेको युवा सागर ढकाल डडेल्धुरातर्फ हिँडेका छन् ।

उनले सोमबार सामाजिक सञ्जालमार्फत चुनावको तयारीको लागि नाइट बसमा डडेल्धुरा गएको जानकारी गराएका हुन् ।

उनले ठुलाठुला सभा हलका भाषण सुन्ने कार्यक्रम पुर्ण रुपमा छोडेर सडकमा सबैसँग भालाकुसारी गर्ने बताए । साथै, घोषणापत्र नभएर कार्यान्वयन पत्र छिट्टै सार्वजनिक गर्ने उनले बताएका छन्।

उनले अबको २–३ महिनामा सम्भावित प्रधानमन्त्रीसहित चिन र सिंगापुरका जस्ता नेता १६५ क्षेत्रमा पठाउने घोषणा गरेका छन्।

उनले आफूहरु असामान्य नभएर सामान्य भन्दा सामान्य हुने प्रयास गर्ने प्रतिवद्धता जनाएका छन् । पाँच वर्षअघि बिबिसी मिडिया एक्सनको साझा सवाल कार्यक्रममा प्रधानमन्त्री शेरबहादुर देउवालाई ‘अक्सफोर्ड विश्वविद्यालय पढेको प्रधानमन्त्री हामी कहिले पाउँछौं ?’ भन्दै प्रश्न गरेर ढकालले चर्चा कमाएका थिए ।