दैलेख । दैलेखमा पानी ट्याङ्कीमा डुबेर दुई बालबालिकाको मृत्यु भएको छ ।

जिल्लाको दुल्लु नगरपालिका–३ सियाला बखत महतका छोरा दिनेश महत र छोरी अनिता महतको सोमबार दुल्लु लिप्टिङ खानेपानीको ट्याङ्की बोडघाटमा डुबेर मृत्यु भएको प्रहरीले जनाएको छ ।

जिल्ला प्रहरी कार्यालय दैलेखका डिएसपी भूवनेश्वर शाहका अनुसार दिनेश र अनिता दिउँसो चार बजे मृत फेला परेका हुन् ।

घटनाको विषयमा थप अनुसन्धान भइरहेको प्रहरीले जनाएको छ ।