काठमाडौं । राष्ट्रिय प्रजातन्त्र पार्टी नेपालका अध्यक्ष कमल थापाले देशमा वाह्य शक्तिको चलखेल बढेको टिप्पणी गरेका छन् ।

उनले शनिबार बिहानै सामाजिक सञ्जालमार्फत संसदीय निर्वाचन नजिकिँदै गर्दा वाह्य शक्तिको चलखेल बढेको बताएका हुन् ।

महाशक्ति राष्ट्रहरु आफू अनुकुल कठपुतली तयार गर्ने होडमा रहेको समेत उनको आरोप छ । देशमा राष्ट्रवादी शक्ति निरीह बन्ने खतरा रहेको पनि थापाले औल्याएका छन् ।

उनले लेखेका छन्-संसदीय ​ चुनाव नजिकिँदै गर्दा वाह्य शक्तिहरूको चलखेल बढेको छ। महा शक्तिहरु आफ्नो अनुकुल ‘कठपुतली’ तयार गर्ने होडमा छन्। दिल्ली,वेईजिङ र वाशिंगटनमा पानी पर्दा काठमाडौँमा छाता ओढ्ने जमात खोज्दै छन्। राष्ट्रवादी शक्ति निरीह बन्ने खतरा छ। नेपाली जनता सचेत बनौँ,अझै केही राष्ट्रवादी जिउँदै छन् ।’

संसदीय चुनाव नजिकिँदै गर्दा वाह्यशक्तिहरुको चलखेल बढेको छ। महाशक्तिहरु आफ्नो अनुकुल ‘कठपुतली’ तयार गर्ने होडमा छन्। दिल्ली,वेईजिङ र वाशिंगटनमा पानीपर्दा काठमाडौँमा छाता ओढ्ने जमात खोज्दै छन्।राष्ट्रवादी शक्ति निरिह बन्ने खतरा छ।नेपाली जनता सचेत बनौँ,अझै केही राष्ट्रवादी जिउँदै छन्

— Kamal Thapa (@KTnepal) July 16, 2022