काठमाडौं । नेकपा माओवादी केन्द्रको नवगठित स्थायी समितिको बैठक आज बस्ने भएको छ ।

बिहान ८ बजेपछि अध्यक्ष प्रचण्ड निवास खुमलटारमा बैठक बस्न लागेको हो ।

बिहीबार सम्पन्न केन्द्रीय समितिबाट माओवादीले ४१ सदस्यीय स्थायी कमिटी गठन गरेको थियो ।

बैठकमा अखिल क्रान्तिकारीमा देखिएको विवाद, जनवर्गीय संगठनको पूर्णतालगायतका विषयमा छलफल बताइएको छ ।

यस्तै पदाधिकारी चयनका विषयमा पनि बैठकमा छलफल हुनेछ ।