काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले रामेछापमा मंगलवार भएको बस दुर्घटनामा परी १३ जनाको निधन भएको खबरले मर्माहत बनाएको बताएका छन् ।

बुधवार बिहान एक ट्वीट गर्दै उनले दुर्घटनाबारे दुःख व्यक्त गरेका हुन् ।

‘उक्त दुर्घटनामा परी ज्यान गुमाउनुहुने प्रति भावपूर्ण श्रद्धाञ्जली अर्पण गर्दै शोकाकूल परिवारजनमा गहिरो समवेदना प्रकट गर्दैछु,’ प्रचण्डले ट्वीटरमा भनेका छन् ।

उनले घाइतेको शीघ्र स्वास्थ्यलाभको कामनासमेत गरेका छन्।

रामेछापमा मंगलवार भएको बस दुर्घटनामा परी १३ जनाको निधन भएको खबरले मर्माहत बनाएको छ। उक्त दुर्घटनामा परी ज्यान गुमाउनु हुने प्रति भावपूर्ण श्रद्धाञ्जली अर्पण गर्दै शोकाकूल परिवारजनमा गहिरो समवेदना प्रकट गर्दछु। दुखद् घटनाका घाईतेहरुको शीघ्र स्वास्थ्य लाभको कामना गर्दछु।

— ☭ Comrade Prachanda (@cmprachanda) July 6, 2022