काठमाडौं । राष्ट्रिय सभागृहमा जारी बैठकमा नेकपा माओवादी केन्द्रका अध्यक्ष पुष्पकमल दाहाल प्रचण्डले निर्वाचनमा अन्तर्घात गर्नेलाई कारबाही गर्ने बताएका छन् ।

प्रज्ञाभवनमा सुरु भएको केन्द्रीय समिति बैठकलाई सम्बोधन गर्दै प्रचण्डले स्थानीय तह निर्वाचनमा पार्टीभित्रैबाट अन्तर्घात देखिएको भन्दै यो गम्भीर विषय भएको बताए ।

माओवादीलाई हराउन गठबन्धनकै दलहरु लागिपरेको भन्दै प्रचण्डले माओवादी बलियो भएको ठाउँमा अन्य दलले खेलेको र कमजोर भएको ठाउँमा कुनै सहयोग नभएको बताए ।

नेकपा माओवादी केन्द्रले पार्टीभित्रैबाट भएको अन्तर्घात र गठबन्धनका कारण स्थानिय तह निर्वाचनमा लक्ष्यअनुसार नतिजा आउन नसकेको निष्कर्ष निकालेको छ ।