काठमाडौं । राष्ट्रिय प्रजातन्त्र पार्टी नेपालका अध्यक्ष कमल थापाले नेपालमा जनताबाट प्रत्यक्ष निर्वाचित प्रधानमन्त्री हुने व्यवस्था हुनुपर्ने माग गरेका छन् ।

शनिबार काठमाडौंमा आयोजित उपत्यकास्तरीय संयोजित संगठनहरुको भेलालाई सम्बोधन गर्दै थापाले यस्तो माग गरेका हुन् ।

गठबन्धन सरकारले देशमा राजनीतिक अस्थिरता पैदा गरेको आरोप उनले यस किसिमका विकृति र विसंगतिलाई हटाउन प्रत्यक्ष निर्वाचित प्रधानमन्त्री हुने व्यवस्था हुनुपर्ने माग गरे ।

यस्तै उनले मन्त्री हुनका लागि सांसद हुनु अनिवार्य नहुने र दुईपटक भन्दा बढी एउटै व्यक्ति प्रधानमन्त्री हुन नपाउने व्यवस्था लागू हुनुपर्ने बताए । उनले सर्वोच्चको परामादेशबाट गठन भएको गठबन्धन सरकारले देशमा राजनीतिक अस्थिरता पैदा गरेको बताए ।