काठमाडौं । सहमतिमै विभाजनको तयारीमा रहेको जनता समाजवादी पार्टी नेपालमा देखिएको विवादबारे समीक्षा गर्न अध्यक्ष डा.बाबुराम भट्टराई पक्षले आन्तरिक छलफलमा लागेका छन् ।

पार्टीभित्र अध्यक्ष उपेन्द्र यादव र संघीय परिषद अध्यक्ष डा.भट्टराई पक्षले आ–आफ्नो रणनीति बनाइरहेको छ । जसपाका अध्यक्ष उपेन्द्र यादवले असार २७ र २८ गते केन्द्रीय समितिको बैठक बोलाएका छन् ।

वीरगञ्जमा हुने बैठकको तयारीका लागि अध्यक्ष यादव पक्ष अनौपचारिक छलफल गरिरहेको छ । अध्यक्ष उपेन्द्र यादवले डा। भट्टराई पक्षलाई बैठकबारे जानकारी नै नगराएको बताइन्छ ।

आफूहरुसँग कुनै सल्लाह नै नगरिएको भन्दै भट्टराई पक्षले विकल्पको खोजीमा आन्तरिक छलफल थालेको हो ।