काठमाडौं ।  बिहीबार शेयर बजारमा हरियाली छाएको छ ।

नेपाल स्टक एक्सेञ्च (नेप्से) परिसुचक करिब ७५ अंकले बढेको छ ।

आज नेप्से परिसुचक ७४.९३ अंकले बढेर २०३७.६४ को बिन्दुमा पुगेको छ । आज नेप्से ३.८२ प्रतिशतले बढेको हो ।

नेप्सेमा सूचीकृत २२७ कम्पनीको ७२ लाख ५४ हजार ७० कित्ता किनबेच हुँदा २ अर्ब ४५ करोड ८६ लाख १९ हजार ४९४ रुपैयाँको कारोबार भएको छ ।

शेयरबजार बढेसँगै आज कारोबार समेत बढ्न पुगेको छ । २ अर्बमाथिको कारोबार हुँदा आज सर्वाधिक शिवम् सिमेन्ट्सको ९ करोड ९५ लाख रुपैयाँ भन्दा माथिको कारोबार भएको छ ।

बढेको शेयर बजारमा ५ कम्पनीको शेयरमूल्यमा सकरात्मक सर्किट लागेको छ । नेपाल फाइनान्स,मैलुङ खोला र न्यादी हाइड्रोपावरको शेयरमूल्य १० प्रतिशतले बढेको छ । यस्तै,आँधीखोला लघुवित्त,सिवाईसी लघुवित्त र सुर्यादय वामी लघुवित्तको शेयरमूल्य ९.९९ प्रतिशतले बढेको छ ।