सुनसरी । सप्तकोशीमा पानीको बहाव हिजो भन्दा बढेपछि कोशी ब्यारेजको ५२ वटा ढोका मध्ये १९ वटा ढोका खोलिए छन् ।

जिल्ला प्रहरी कार्यालय सुनसरीका अनुसार हिजो साँझसम्ममा प्रतिघण्टा १ लाख २५ हजार क्युसेक पानी मापन गरिएको थियो ।

अहिले बिहान ८ बजेको मापन अनुसार पानीको बहाव बढेर १ लाख ४१ हजार ७ सय २५ पुगेको प्रहरीले जनाएको छ ।

मंगलबारदेखि लगातार परेको बाढीका कारण प्रदेश १ को झापा र मोरङ बढी प्रभावित भएको छ । झापाको कन्काई, माइ र बिरिङ खोलामा आएको बाढीका कारण केही वस्तीलाई अलर्ट गराइएको छ ।