काठमाडौं । शंकर माध्यमिक विद्यालय थपवा, बाँकेका प्रधानाध्यापक मुहम्मद युनुस खाँ विरुद्ध भ्रष्टाचार मुद्दा दायर भएको छ ।

अख्तियार दुरुपयोग अनुसन्धान आयोगले मंगलबार खाँ विरुद्ध भ्रष्टाचार मुद्दा दायर गरेको हो ।

उनले छात्रवृत्तिको लागि प्राप्त रकममा, कम्प्यूटर खरिद, भवन निर्माण र शौचालय निर्माण कार्यमा तथा विद्यालयको आन्तरिक स्रोत समेतको दुरुपयोग गरेको अख्तियारले जनाएको छ ।

खाँविरुद्ध ३ लाख दुई हजार बिगो माग दावी गरी बिशेष अदालत काठमाडौंमा आरोपपत्र दायर गरिएको हो ।