एजेन्सी । संसारलाई प्रभावित गर्ने मानिस अर्थात् नेताहरुसँग सम्बन्धित एक विशेष तथ्य वैज्ञानिकहरुले खुलासा गरेका छन् । पछिल्लो अध्ययनले आम मानिसहरुको तुलनामा नेताहरुको आयु धेरै हुने तथ्य पत्ता लगाएको छ ।

यसबाट संसारभरका कूलीन र आम मानिसहरु बीचको गहिरो असमानता समेत प्रष्ट भएको छ । शोध अनुसार नेताहरु र जनताबीचको औषत आयुबीचको अन्तर समयक्रमसँगै बढ्दै गएको छ ।

१९ औँ शताब्दीको अन्त्य तथा २० औँ शताब्दीको सुरुवातताका अधिकांस देशमा त्यहाँका नेताहरुको मृत्युदर आम जनताको मृत्युदर जस्तै थियो । तर २० औँ शताब्दीका क्रममा नेता र जनताको मृत्युदरको अन्तर सबै देशमा व्यापक रुपमा बढेर गयो । नेताहरुको औसत आयु आम जनताको भन्दा धेरै हुनुको एउटा प्रष्ट तथा सबैभन्दा ठूलो कारण चाहिं पैसा तथा आर्थिक असमानता नै भएको शोधले देखाएको छ ।

नेताहरुको आम्दानी आमा मानिसहरुको तुलनामा धेरै हुन्छ जसका कारण उनीहरु स्वस्थ जीवनशैली, उपचार तथा स्वास्थ्यमा धेरै खर्च गर्न सक्दछन् र त्यसले उनीहरुलाई दीर्घायु र स्वस्थ बनाउँछ । नेताहरु र सामान्य जनताबीच जीवन जिउने तरिकामा हुने फरक गहिरो बन्दै गइरहेको छ ।