काठमाडौं । सोमबार पनि शेयर बजार ओरालो लागेको छ ।

गत साताको बुधबार ६०.२२ अंकले बढेको नेपाल स्टक एक्सेञ्च (नेप्से) परिसुचक बिहीबारबाट फेरि ओरालो लागेको हो । आज कारोबारको अन्तिम समयसम्म आइपुग्दा नेप्से परिसुचक १५.८२ अंकले घटेर २०३२.३४ को बिन्दुमा पुगेको हो ।

आज २३० कम्पनीको २९ लाख २० हजार ७०५ कित्ता शेयर खरिदबिक्री हुदाँ ९९ करोड ८६ लाख ७४ हजार २६२ रुपैंया बराबरको कारोबार भएको छ ।

सो रकम बराबरको कारोबार हुँदा सर्वाधिक सानिमा बैंकको शेयर खरिदबिक्री भएको छ । बैंकको आज एकैदिन ९ करोड १ लाख ६१ हजार ५७४ रुपैयाँको कारोबार भएको हो ।