काठमाडौं । प्रधानमन्त्री शेरबहादुर देउवालाई सभामुख अग्निप्रसाद सापकोटाले भेटेका छन् ।

आइतबार अपरान्ह प्रधानमन्त्री देउवालाई सभामुख सापकोटाले बालुवाटारमा भेटेका हुन् ।

भेटमा प्रतिनिधि सभा अन्तर्गतको राज्य व्यवस्था तथा सुशासन समितिको रिक्त सभापति चयन, सार्वजनिक लेखा समितिको नेतृत्वका सम्बन्धमा छलफल भएको बताइएको छ ।

यस्तै प्रधानमन्त्री देउवा र सभामुख सापकोटाबीच नागरिकतालगायत विचाराधीन विधेयकहरु र उपसभामुख चयनका विषयमा पनि छलफल भएको सभामुखको सचिवालयले जनाएको छ ।